USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Əbu-Dabi Azərbaycanı "Yaşıl siyahı"ya əlavə etdi
Azərbaycan Əbu-Dabinin turistlər üçün nəzərdə tutulan "Yaşıl siyahı"sına əlavə edilib.
Avrasiya.net xəbər verir ki, bu barədə Əbu-Dabinin Mədəniyyət və Turizm Departamenti məlumat yayıb.
Məlumata əsasən, Azərbaycandan gələn sərnişinlər Əbu-Dabiyə endikdən sonra məcburi karantin tədbirlərindən azad edilir və yalnız Əbu-Dabi hava limanına çatdıqdan sonra PZR testindən keçməlidirlər.
Mayın 23-ü yenilənən "Yaşıl siyahı"ya artıq 29 fərqli yer daxildir. Aprelin 25-dən qüvvədə olan əvvəlki "Yaşıl siyahı" ilə müqayisədə siyahıya Azərbaycandan əlavə, Almaniya, Qırğızıstan, Moldova, İspaniya və ABŞ da əlavə edilib.
Mədəniyyət və Turizm Departamenti "Yaşıl siyahı"nın yalnız BƏƏ-yə sərnişinlərin gəldiyi yerlərə aid olduğunu, vətəndaşlığa aid olmadığını da açıqlayıb. Siyahı BƏƏ cəmiyyətinin rifahını təmin etmək üçün ciddi sağlamlıq və təhlükəsizlik meyarları əsasında yenilənir.
