
Azərbaycan Prezidentinin köməkçisi, Xarici siyasət məsələləri şöbəsinin müdiri Hikmət Hacıyev Özbəkistanın paytaxtı Daşkənddə keçirilən Mərkəzi Asiya Dövlət Başçılarının “Mərkəzi Asiya + Azərbaycan” formatında 7-ci Məşvərət görüşü ilə bağlı paylaşım edib.
Hacıyev bildirib ki, Azərbaycan tamhüquqlu üzv qismində qəbul olunub:
“Qardaşlıq əlaqələrimiz və tarixi irsimiz siyasi, geosiyasi və geoiqtisadi birliyə çevrilir. Bu andan etibarən Mərkəzi Asiya ‘6’ kimi çıxış edir.”
Paylaşımda Azərbaycanın Mərkəzi Asiya Dövlət Başçılarının Məşvərət Görüşündə tamhüquqlu iştirakı haqqında rəsmi sənəd də təqdim olunub. Sənədə əsasən, Azərbaycan tərəfinin müraciəti nəzərdən keçirilərək, ölkəmizin tamhüquqlu iştirakçı qismində qəbul edilməsi qərara alınıb.