Ermənistan rəhbərliyi Fransanın təhriki ilə sülh müqaviləsi bağlanmasından yayınmaq kursu götürəcək. Xüsusilə, 12-14 sentyabrın nəticələrinj dəyişmək üçün təxribatlar etməsi mümkündür.

Bunu politoloq Məhəmməd Əsədullazadə deyib.

Onun sözlərinə görə, Praqada imzalanan Bəyannaməyə Ermənistan üçün xüsusi əhəmiyyət kəsb etmir. Ermənistan hakimiyyəti bu bəynnaməyə vaxt qazanmaq kimi baxır:" 10 noyabr Birgə Bəyannamə məhz Ermənistanın kapitulyasiya aktı idi. Amma, Ermənistan növbəti avantüraya əl atdı. Azərbaycan üçün əsas güc amilidir. Fransa və Ermənistan yalnız güc müstəvidə anlayır.

Fransanın Ermənistanı siyasi dəstəkləməsi sülhün əldə edilməsinə maneədir. Və Paris Cənubi Qafqazda Türkiyə Azərbaycan tandeminə qarşı siyasi mövqe ortaya qoyub.

Qeyd edim ki, Praqada dördtərəfli imzalanan Bəyannamənin müddəaları, Azərbaycanın beş prinsipi qəbul edilməklə imzalanıb. Amma, Ermənistan yenidən Qarabağ məsələsini gündəmə gətirir".