USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Azərbaycan Vəkillər Kollegiyası vəkil Zibeydə Sadıqovadan şikayəti əsassız sayıb
Azərbaycan Vəkillər Kollegiyası vəkil Zibeydə Sadıqovaya qarşı şikayəti əsassız sayıb. Vəkilin verdiyi məlumata görə, bu barədə qərar sentyabrın 1-də qəbul edilib.
Sadıqovanın sözlərinə görə, Modern Hospital ona qarşı şikayəti 2021-ci ildə verib: "Şikayətdə deyilmişdi ki, mən kommersiya sirrini pozmuşam. Şikayət əsassız idi".
Vəkilin vurğulamasına görə, şikayət onun sosial şəbəkədə həmin müəssisəyə müraciət etmiş bir şəxslə bağlı paylaşdığı statusa görə olmuşdu: "Vəkillər Kollegiyası bu müddət ərzində şikayətə baxıb rəy hazırlamışdı, bu gün, sentyabrın 1-də iclasda isə şikayətin əsassız olduğu barədə qərar qəbul edilib".
Qərara şikayətçi tərəfin münasibətini öyrənmək mümkün olmayıb.
Son illər Vəkillər Kollegiyası müxtəlif şikayətlər əsasında bir sıra vəkilləri üzvlükdən xaric edib. Onda həmin vəkillərin bəziləri bunu siyasi işlərə çıxmaları, müxalif siyasətçilərin və araşdırmaçı-jurnalistlərin müdafiəsinə qoşulmaları ilə izah ediblər.
