İranın hava hücumundan müdafiə sisteminə dəyən ziyan ölkəni növbəti zərbələrdən müdafiəsiz qoyub. İsrail mənbələri bildirirlər ki, raket istehsalı sistemlərinə və raket ehtiyatlarına ziyan dəyib.

İsrail İrana hücumun növbəti mərhələlərini hazırlamaq üçün amerikalılarla koordinasiyalı şəkildə əməliyyat keçirib. Bunun ABŞ-da seçkilərdən sonra baş verəcəyi istisna olunmur.

İsraildəki məlumatlı mənbə bildirib ki, hərbi kəşfiyyatın təqdim etdiyi informasiya elmi fantastik səviyyədə olub. “Zərbə dəqiq oldu və yer-yer raketlarinin istehsalı üzrə zavoda düşərək İranın hərbi sənayesinə ciddi ziyan vurdu.

Mahiyyətcə İran üçün əvəzolunmaz zavodun haqqında dəqiq kəşfiyyat məlumatları əldə edildi. Və o, millimetr dəqiqliyi ilə vuruldu. Biz Yaxın Şərqin istənilən nöqtəsinə hücum etmək bacarığımızı sübut etdik”, - mənbə qeyd edib.

İsrail İrana kütləvi raket zərbəsi endirib

Səmada 100 təyyarə: İsrail üç saat ərzində İrana zərbələr endirib

Əməliyyat zamanı ən azı 20 hədəfə hücum olub, lakin nüvə və neft obyektlərinə zərbə endirilməyib.

Oktyabrın 26-na keçən gecə İsrail İrandakı hərbi obyektlərə kütləvi raket zərbələri endirib. Bu, oktyabrın 1-də İranın hücumuna cavab olub.

Zərbələr bir neçə mərhələdə hərbi obyektlərə endirilib və üç saat davam edib.

Tehrana zərbələr barədə ilk xəbərlər saat 02:00-a yaxın gəlib. Paytaxt sakinləri təlaşla küçələrə çıxıblar. Eyni zamanda, Suriya (Dəməşq) və İraqda partlayışların baş verməsi barədə məlumat daxil olub. Suriyada hava hücumundan müdafiə sisteminə hücum olub.

Saat 06:00-ya yaxın hücumun başa çatdığı barədə məlumat daxil olub. "20-dən çox obyektə hücum edilib", - İsraildəki mənbə bildirib. Hava hücumundan müdafiə sistemləri, raket və dronlar istehsal edən zavodlar, raket buraxılış məntəqələri, hərbi bazalar və Tehran beynəlxalq hava limanı ərazisindəki obyektlər hücuma məruz qalıblar.

İranda müxalifətyönlü KİV İslam İnqilabı Keşikçiləri Korpusunun hərbi mərkəzlərinə hücumlarun olduğunu bildirib.

Əməliyyatda SAXAL-ın onlarla qırıcısı və uçan aparatından istifadə edilib. Onların hamısı geri qayıdıb, heç birinə ziyan dəyməyib.

İsraildə bildirirlər ki, İranda nəyin və necə baş verdiyini anlamayıblar, yerli sakinlər çaxnaşmaya düşüblər, çünki Tehranda erkən xəbərdarlıq sistemləri (siren) yoxdur: bu 1988-ci ildə İran-İraq müharibəsi başa çatdıqdan sonra Tehrana ilk hücumdur.

İsrail mənbələri bildirirlər ki, ABŞ-a zərbə barədə əvvəlcədən məlumat verilib və buna hazırlıq amerikalılarla koordinasiya edilib.

Ağ Ev İsrailin hərəkətini "özünümüdafiə" adlandırıb.