EHTİMAL !

Bir neçə gün əvvəl yazılarımda (səhifəmi varaqlayıb baxa bilərsiniz) və yutub internet kanallarında( MGTV, Səbuhi Rəhimli Media) çıxış edərkən qeyd etmişdim ki, inanmıram, Azərbaycanda hər hansı prosesə ilk öncə xalq qoşulsun.

Baş verəcək proseslər hakimiyyət daxili klanların toqquşmasından meydana gələ bilər.

İqtidarın daxilində müəyyən qrupların gizli çətələr formalaşdırması, gələcək üçün dərin çatlar yaratmağa hesablanıb.

Həmçinin, müxalif partiyalarda istefaların baş verəcəyini də vurğulamışdım.

Əvvəlcə hakim rejimdən başlayaq.

COP-29-la bağlı yazımda bildirmişdim ki, Azərbaycana siyasi ideoloqlar təşrif buyurub.

Bununla nə demək istəyirdim ?

Diplomatik korpuslara yerləşdirilən və illərdir(son 5 il) formalaşdırılmağa çalışan gizli şəbəkələrin aktivləşməsinə start veriləcəyini vurğulamışdım.

Təbii ki, təşrif buyuran qonaqların nəzarəti altında.

Xarici qüvvələr yaxşı başa düşür ki, Azərbaycan kimi ölkələrdə xalq həll edici qüvvə deyil.

Ona görə də , həmin qüvvələr ehtiyyatını öncədən görmüşdür.

Sadəcə start düyməsini basmağa məqam lazım idi.

Onu da vurğulamışdım ki, Azərbaycan hakimiyyəti bunları bilir və artıq qabaqlayıcı tədbirlərə çoxdan başlayıb.

Hökumət yönlü mətbuu orqanların dərcinə inansaq, başlayan proseslərdə ilk qurban isə "Ulduz Metrostansiyasının uşaqları" oldu.

Bu çətədə hələlik kurator funksiyasında olan şəxslərin adı açıqlanıb.Kökü isə çox dərindədir.

Məqsədli qruplar tərəfindən gizli təşkilatlanma və dövlət orqanlarına yerləşdirilmə hər zaman ən uyğun variant kimi masaya qoyulub.

Yadınızdadırsa , 2003-cü il hadisələrində dövlət orqanlarına yerləşdirilmiş müxalif partiya funksionerləri həll edici mitinqdə ifşa olundu.

Hələlik, bir-iki nəfərin adı açıqlanmaqla , ifşa edilən çətə ilə bu iş yekunlaşası deyil.

Axı, gizli örgütlənmədə beş kateqoriya var.

Yəni, davamı gələcək.

Ən acımasız və dağıdıcı fəaliyyət dördüncü və beşinci kateqoriyanın birlikdə atacağı addıma bağlıdır.

Əslində bu daha bir fürsətdir ki, hökumət situasiyadan istifadə edib müxalif tərəfdə olan aparıcı funksionerləri həbsə atsın.
Yəni, calaq etmək calaqçının işidir.

Hökm sürən səssizlik növbəti həmlənin olacağına işarədir.

Demokratiya deyən hərkəsin maliyyələşmədə ortaq çıxa biləcəyini güman edirəm.

Bəs, hökumətin əks həmləsi necə ola bilər ?

İllərdir müxalif partiyaların daxilində sədrlərinin hər kəliməsini öz qulağı ilə eşidəcək qədər yaxın olan, bəzi funksionerlərin hərəkətə keçəcəyini güman edirəm.

Bəs, bu hərəkətlənmənin ilkin nəticələri nə ola bilər ?

Yenə ənənəvi, amma modernləşmiş dağıdıcılıq fəaliyyəti üstünlük təşkil edəcək.

Biraz da tünd etsək , qarayaxma , şantaj və lazımlı ictimai yazı və paylaşımlara mane olmaq yolları ilə.
Axı, bu tip insanlar sıravi üzvlərdən tutmuş, rəhbəri vəzifələrədək hərkəsin maliyyə qaynağını və şəxsi həyatını detallı bilir.

Yaranan kritik situasiyada isə yuxarıda qeyd etdiyim məcburi istefalar olacaq.

Çakma müxalifətin fəallaşması isə gözləniləndir.

Qısası,Rusiya boş dayanmayacaq ,Qərb və ABŞ isə daha çox qazanmaq istəyəcək.

Vəziyyət çox kritik həddə çatarsa, həm iqtidar , həm də müxalifət düşərgəsində sui-qəsd ehtimalları da gözləniləndir.

Həddən artıq diqqətli olmalıyıq !