İraqın baş naziri Məhəmməd Şia əl-Sudani İrana səfərini gələn həftəyə təxirə salıb.O İrana səfəri zamanı İraqda İranın dəstəklədiyi milislərin ləğvi də daxil olmaqla əsas regional və daxili məsələləri müzakirə edəcək və silahların dövlət nəzarətinə məhdudlaşdırılması ilə bağlı molla rejimi ilə müzakirələr aparacaq.

Məslə ondadır ki, artıq Bağdad ipi İranın əlində olan müxtəlif dini silahlı qruplardan ehtiyatlanmağa başlayıb. Bundan əvvəl adı açıqlanmayan İraq rəsmiləri bu qruplaşmaların İraq və ölkədə olan bütün digər azlıqlar üçün (sünnilər və xristianlar) real təhlükə olduğunu bildirmişdi.

İran Xarici İşlər Nazirliyinin sözçüsü deyib ki, səfərin məqsədi əlaqələri gücləndirmək və regional hadisələri müzakirə etməkdir. Əl-Sudani səfəri zamanı İranın yüksək səviyyəli rəsmiləri ilə danışıqlar aparacaq. Ahıl yaşlarında olan Xameneyinin onu qəbul edib etməyəcəyi hələ ki sual altındadır.

İraq hökuməti bu xəbərləri təsdiq və ya təkzib etməyib, lakin həm İraqda, həm də İranda narahatlıqlar artmaqdadır.

İranın ali lideri Əli Xameneyi bu yaxınlarda Bəşər Əsəd rejiminin devrilməsindən sonra “Müqavimət oxu” ilə bağlı məsələlərə toxunub.

Bağdadda yayılan təsdiqlənməmiş məlumatlara görə, İraq ABŞ-ın yeni seçilmiş prezidenti Donald Trampdan “xəbərdarlıq” və “qulaqburması” alıb.

Milli Hikmət Hərəkatının lideri Əmmar əl-Həkim cümə axşamı bəzi detalları açıqlaylayaraq deyib ki, ABŞ-ın İraqla bağlı siyasətində dəyişikliyə işarə edən mesaj gizli səfir və ya Trampın telefon zəngi ilə çatdırılmış ola bilər.

Şiə Koordinasiya Çərçivəsinin tanınmış simalarından olan Əl-Həkim təsdiqləyib ki, ABŞ administrasiyası İraqın bəzi silahlı qruplaşmalarını hədəfə alır.

Bununla belə, o, yeni gələn Tramp administrasiyasının İran rejimini devirmək və ya İraqda siyasi sistemi pozmaq niyyətində olmadığını vurğulayıb.

Əl-Həkim Bağdadın cənubunda, Nəcəfdə keçirilən toplantıda deyib: “Silahlı şiə Fraksiyalara qarşı qərar veriləcək… Bu, ABŞ-dan və silahlı qruplaşmalarla Koordinasiya Çərçivəsindəki bəzi qruplardan eşitdiklərimizdir. Bu, əsasən Kataib Hizbullah və Əl-Nucaba kimi İranın dəstəklədiyi silahlı qruplara qarşı yönəlib”

Əl-Həkim həmçinin İraqın siyasi sistemini hədəfə almamaq üçün “beynəlxalq iradə”nin olduğunu əmin edib.

“Məqsəd İraqın sabitliyini qorumaqdır, çünki oradakı xaos regional təhlükəsizliyi pozacaq, qonşu ölkələr bunu rədd edir. Mövcud sistemin qalacağı gözlənilir”, o təsdiqləyib.