USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
DTX və DSX birgə əməliyyat keçirdi – Saxlanılan var
Azərbaycan Respublikasının Dövlət Təhlükəsizliyi Xidməti (DTX) və Dövlət Sərhəd Xidməti (DSX) birgə əməliyyat keçirib.
Əməliyyat nəticəsində 1991-ci il təvəllüdlü, Azərbaycan vətəndaşı Əliyev Şəhriyar Vaqif oğlu saxlanılıb. İstintaqın məlumatına görə, Əliyev xarici ölkədə yaşayan şəxslə cinayət əlaqəsinə girərək, qaçaqmalçılıq yolu ilə Azərbaycana narkotik vasitə gətirmək məqsədini güdüb. O, Beyləqan rayonunun ərazisində külli miqdarda qurudulmuş marixuananı əldə edərək, onu Bakı şəhərinə gətirərək gizlətmək üçün hazırlıq görüb.
Əməliyyat zamanı DTX və DSX əməkdaşları birgə hərəkət edərək, Şəhriyar Əliyevin avtomobilini saxlayıb. Onun üzərindən 30 kiloqramdan artıq qurudulmuş marixuana aşkar edilərək götürülüb.
Faktla bağlı Azərbaycan Respublikası Cinayət Məcəlləsinin 206.3.2, 234.4.1 və 234.4.3-cü maddələri ilə cinayət işi açılıb. Məhkəmə qərarı ilə Şəhriyar Əliyev barəsində həbs qətimkan tədbiri seçilib.
Hazırda istintaq-əməliyyat tədbirləri davam etdirilir.
