USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Ukraynanın XİN rəsmisi Azərbaycana təşəkkür etdi: Yardımın dəyəri 40 milyon dolları ötüb
Ukraynanın xarici işlər nazirinin birinci müavini Andrey Sibiqa Azərbaycana Ukraynaya göstərdiyi dəstəyə görə təşəkkür edib.
Sibiqa bu barədə Bakıda azərbaycanlı həmkarı Ceyhun Bayramovla keçirdiyi birgə mətbuat konfransında danışıb. O bildirib ki, Azərbaycanın genişmiqyaslı müharibənin ilk günlərindən göstərdiyi yardımlar Ukrayna üçün böyük əhəmiyyət daşıyır.
“Azərbaycana genişmiqyaslı müharibənin ilk günlərindən göstərdiyi yardıma görə təşəkkür edirəm. Azərbaycanın bu dövr ərzində Ukraynaya göstərdiyi yardımın ümumi dəyəri 40 milyon dolları ötüb. Bu yardım bizim üçün əvəzolunmazdır”, – deyə Sibiqa vurğulayıb.
Ukraynalı diplomat həmçinin qeyd edib ki, Azərbaycan nümayəndə heyəti bu ilin iyul ayında Romada Ukraynanın bərpasına dair keçiriləcək beynəlxalq sammitdə iştirak edəcək.
