USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Prezident İlham Əliyev Ukraynanın xarici işlər nazirini qəbul edib
Azərbaycan Respublikasının Prezidenti İlham Əliyev mayın 25-də Ukraynanın xarici işlər naziri Andrey Sibiqanı qəbul edib. Bu barədə Prezidentin mətbuat xidməti məlumat yayıb.
Görüş zamanı Andrey Sibiqa Ukrayna Prezidenti Volodimir Zelenskinin salamlarını dövlət başçısına çatdırıb. O, Azərbaycanın Ukraynaya göstərdiyi humanitar yardımlara görə təşəkkürünü ifadə edib, xüsusilə İrpen şəhərində həyata keçirilən layihələrin əhəmiyyətini vurğulayıb.
Sibiqa, həmçinin Azərbaycanın Ukraynanın ərazi bütövlüyü və suverenliyinə verdiyi davamlı dəstəyə görə minnətdarlıq edib.
Prezident İlham Əliyev Ukrayna Prezidentinin salamlarına görə təşəkkürünü bildirib və öz salamlarını Volodimir Zelenskiyə çatdırmağı xahiş edib. O, Azərbaycanın Ukraynaya humanitar yardım göstərməyə davam edəcəyini vurğulayıb.
Görüşdə Azərbaycanın və Ukraynanın bir-birinin ərazi bütövlüyü və suverenliyini hər zaman dəstəklədiyi xüsusi olaraq qeyd olunub.
Tərəflər energetika, bərpaolunan enerji, nəqliyyat, ticarət və kənd təsərrüfatı sahələrində əməkdaşlıq imkanlarına dair fikir mübadiləsi aparıblar.
