USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Gürcüstan bu gün Müstəqillik Gününü qeyd edir
Bu gün, 26 may tarixində Gürcüstan Müstəqillik Gününü qeyd edir. Ölkənin müasir dövlətçilik tarixində mühüm əhəmiyyət daşıyan bu günün 107-ci ildönümüdür.
1918-ci il mayın 26-da Gürcüstan Milli Şurasının qərarı ilə ölkə müstəqil respublika elan edilib. Beləliklə, gürcü xalqının müstəqil, vahid və azad dövlət qurmaq arzusu reallaşıb. Qısa müddətdə Gürcüstanın müstəqilliyi Avropanın aparıcı ölkələri tərəfindən tanınıb. Noe Jordaniyanın başçılıq etdiyi ilk demokratik respublika 1921-ci ildə sovet-bolşevik işğalına qədər iki il yarım fəaliyyət göstərib.
Öz müstəqilliyini Gürcüstan ikinci dəfə 1991-ci ilin 9 aprelində — sovet imperiyasının süqutu ərəfəsində bərpa edib. Bu gün Gürcüstan xalqı dövlətinin ərazi bütövlüyünün bərpası və müstəqilliyinin əbədi olması arzusu ilə yaşayır.
Azərbaycan xalqı və dövləti adından Gürcüstanın Müstəqillik Günü münasibətilə qardaş ölkəyə sülh, əmin-amanlıq və davamlı firavanlıq arzulanır.
