USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
General Məhərrəm Həsənov sərəncama götürüldü
General Məhərrəm Həsənov sərəncama götürüldü – Bakı Regional Mərkəzinə yeni rəis təyin olundu
Fövqəladə Hallar Nazirliyində rəhbər heyətlə bağlı kadr dəyişikliyi baş verib. FHN-in Bakı Regional Mərkəzinin rəisi, general-mayor Məhərrəm Həsənov sərəncama götürülüb.
Bununla bağlı fövqəladə hallar naziri, general-polkovnik Kəmaləddin Heydərov müvafiq əmr imzalayıb.
Nazirin digər əmrinə əsasən, Bakı Regional Mərkəzinə yeni rəis olaraq polkovnik Elnur Məhərrəmov təyin edilib.
Qeyd edək ki, Elnur Məhərrəmov bu təyinatadək FHN-in Gəncə Regional Mərkəzinin rəisi vəzifəsində çalışıb. Yeni təyinatla bağlı Nazirliyin rəsmi açıqlaması gözlənilir.
Xatırladaq ki, general-mayor Məhərrəm Həsənov 2022-ci ildə Fövqəladə Hallar Nazirliyinin Bakı Regional Mərkəzinə rəhbər təyin edilmişdi. Onun bu vəzifədə fəaliyyəti dövründə paytaxtda fövqəladə halların idarə olunması və qarşısının alınması sahəsində bir sıra tədbirlər həyata keçirilib.
Kadr dəyişikliyinin səbəbləri barədə hələlik ictimaiyyətə məlumat verilməyib.
Mövzu ilə bağlı yeni məlumatlar olduqca xəbər yenilənəcək.
