USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Əli Əsədov Özbəkistan Prezidenti ilə görüşdü
Azərbaycanın Baş naziri Əli Əsədov iyunun 10-da rəsmi səfərlə getdiyi Özbəkistanda bu ölkənin Prezidenti Şavkat Mirziyoyevlə görüşüb.
Nazirlər Kabinetindən verilən məlumata görə, Əli Əsədov Prezident İlham Əliyevin salamlarını Şavkat Mirziyoyevə çatdırıb. Özbəkistan Prezidenti səmimi salamlar və xoş arzular üçün təşəkkür edərək, onun da salamlarını Azərbaycan Prezidentinə çatdırmağı xahiş edib.
Görüş zamanı Azərbaycan ilə Özbəkistan arasında dostluq və əməkdaşlıq münasibətlərinin yüksək səviyyədə inkişaf etdiyi vurğulanıb. Tərəflər əlaqələrin artıq müttəfiqlik səviyyəsinə yüksəlməsini xüsusi məmnunluqla qeyd ediblər.
Həmçinin, müxtəlif sahələr üzrə – iqtisadiyyat, nəqliyyat, kənd təsərrüfatı, energetika və humanitar əməkdaşlıq sahələrində gələcək inkişaf perspektivləri müzakirə olunub.
Əli Əsədov söhbət zamanı Özbəkistan millisinin tarixində ilk dəfə olaraq futbol üzrə dünya çempionatına vəsiqə qazanmasını yüksək qiymətləndirərək, bu münasibətlə Prezident Şavkat Mirziyoyevi təbrik edib.
Rəsmi səfər çərçivəsində Baş nazir Əli Əsədovun bir sıra digər yüksək səviyyəli görüşləri də planlaşdırılır.
