İsrailin İrana qarşı həyata keçirdiyi hava hücumları nəticəsində İran ordusunun yüksək rütbəli komandirləri – beş SEPAH generalı həlak olub.

İran mediasının məlumatına görə, İslam İnqilabı Keşikçiləri Korpusunun (SEPAH) Qüds Qüvvələrinin komandiri general İsmayıl Qaani həlak olanlar arasındadır.

Eyni zamanda İnqilab Keşikçiləri Aerokosmik Qüvvələrinin komandiri, general Sərdar Əmirəli Hacızadə də aldığı ağır xəsarətlər nəticəsində dünyasını dəyişib. Hacızadə SEPAH-ın bu bölməsinin ilk komandanı idi.

Bundan başqa, SEPAH komandanı, general-mayor Hüseyn Səlami, SEPAH generalı Qulaməli Rəşid və İran Silahlı Qüvvələrinin Baş Qərargah rəisi, general-leytenant Məhəmməd Bageri də İsrailin endirdiyi zərbələr nəticəsində ölüblər.

İsrailin hücumları Tehranda və digər strateji bölgələrdə yerləşən hərbi və aerokosmik obyektləri hədəf alıb. Nəticədə mülki itkilər də qeydə alınıb və İmam Xomeyni adına beynəlxalq hava limanının fəaliyyəti dayandırılıb.

Bu hücumlar, müşahidəçilərin fikrincə, İranın hərbi və nüvə potensialına ciddi zərbə vurub və bölgədə gərginliyi daha da artırıb.