USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Bakıda Şavkat Mirziyoyevin rəsmi qarşılanma mərasimi keçirilib
İyulun 2-də Azərbaycana dövlət səfərinə gələn Özbəkistan Prezidenti Şavkat Mirziyoyevin rəsmi qarşılanma mərasimi keçirilib.
Rəsmi qarşılanma mərasimi hər iki ölkənin dövlət bayraqlarının dalğalandığı meydanda baş tutub. Ali qonağın şərəfinə fəxri qarovul dəstəsi düzülüb.
Azərbaycan Prezidenti İlham Əliyev Özbəkistan Prezidenti Şavkat Mirziyoyevi qarşılayıb. Fəxri qarovul dəstəsinin rəisi qonaq dövlət başçısına raport verib.
Təntənəli mərasim zamanı Azərbaycan və Özbəkistanın dövlət himnləri səsləndirilib, ardınca fəxri qarovul dəstəsi hərbi marşın müşayiəti ilə prezidentlərin qarşısından keçib.
Səfər çərçivəsində iki ölkə arasında əməkdaşlığın daha da genişləndirilməsi və strateji tərəfdaşlığın gücləndirilməsi istiqamətində yüksək səviyyəli görüşlərin keçirilməsi nəzərdə tutulur.
