USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Ərdoğan BƏƏ Prezidenti ilə danışdı: Azərbaycan-Ermənistan sülh prosesi müzakirə olunub
Türkiyə Prezidenti Rəcəb Tayyib Ərdoğan ilə Birləşmiş Ərəb Əmirliklərinin (BƏƏ) Prezidenti Məhəmməd bin Zayed Əl-Nəhyan arasında telefon danışığı baş tutub. Bu barədə məlumatı Türkiyə Prezident Administrasiyasının İctimaiyyətlə Əlaqələr İdarəsi yayıb.
Telefon söhbətində ikitərəfli münasibətlər və regional məsələlər, o cümlədən Azərbaycan və Ermənistan arasında Əbu-Dabidə keçirilən sülh danışıqları əsas müzakirə mövzularından biri olub.
Prezident Ərdoğan bildirib ki, Türkiyə Cənubi Qafqazda sabitliyin və davamlı sülhün təmin olunmasına yönəlmiş bütün təşəbbüsləri diqqətlə izləyir və dəstəkləməyə davam edəcək.
Telefon danışığı zamanı həmçinin BƏƏ ilə Türkiyə arasında iqtisadi və enerji sahələrində əməkdaşlıq məsələlərinə də toxunulub.
Əbu-Dabidə keçirilən Azərbaycan-Ermənistan sülh danışıqlarının detalları hələlik ictimaiyyətə açıqlanmayıb. Bununla belə, regional güclərin prosesə göstərdiyi diqqət diplomatik müzakirələrin əhəmiyyətini artırır.
