USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Yekaterinburqda Azərbaycan diaspor rəhbəri Şahin Şıxlinskiyə cinayət işi açılıb
Rusiyanın Yekaterinburq şəhərində Azərbaycan diasporunun rəhbəri kimi tanınan Şahin Şıxlinski barəsində cinayət işi açılıb. Bu barədə iyulun 16-da onun yaxınları məlumat yayıblar.
Verilən məlumata görə, Şahin Şıxlinskiyə Rusiya Cinayət Məcəlləsinin 318-ci maddəsi – hakimiyyət nümayəndəsinə qarşı zorakılıq tətbiq etmə – ilə ittiham irəli sürülüb.
Hadisə ilə bağlı Şıxlinskinin oğlu Mutvalı Şıxlinski də Rusiya İstintaq Komitəsində dindirilib. Oğlundan iyulun 1-də atasının saxlanılması zamanı baş verən insidentlə bağlı izahat alınıb.
Qeyd edək ki, Şahin Şıxlinski həmin gün – iyulun 1-də hüquq-mühafizə orqanları tərəfindən saxlanılıb və ifadəsi alındıqdan sonra sərbəst buraxılıb. Lakin sonradan onun barəsində cinayət işi başladılıb.
Hazırda iş üzrə istintaq davam edir. Rəsmi qurumlar məsələ ilə bağlı hələlik açıqlama verməyiblər.
