Avropa İttifaqı (Aİ) Rusiyaya qarşı indiyədək qəbul etdiyi ən güclü sanksiyalar paketini təsdiqləyib.

Bu barədə Aİ-nin xarici işlər və təhlükəsizlik siyasəti üzrə yeni ali nümayəndəsi Kaya Kallas “X” platformasında paylaşım edib. O bildirib:

“Biz möhkəm dayanmışıq. Avropa İttifaqı Rusiyaya qarşı ən sərt sanksiya paketlərindən birini təsdiqlədi.”

Yeni sanksiyalar paketi aşağıdakı tədbirləri əhatə edir:
• Rusiya banklarının maliyyə mənbələrinə çıxışı məhdudlaşdırılır;
• Rusiya hərbi büdcəsinin imkanları azaldılır;
• Gizli fəaliyyət göstərən 105 Rusiya gəmisinin fəaliyyəti dayandırılır;
• “Şimal Axını” boru kəmərlərinin fəaliyyəti tamamilə qadağan edilir;
• Rusiya neftinə tətbiq edilən tavan qiymət aşağı salınır;
• Rusiyanın hərbi-sənaye kompleksinə qarşı təzyiqlər gücləndirilir;
• Sanksiyalardan yayınmağa yardım edən Çin banklarına qarşı da məhdudiyyətlər tətbiq olunur;
• Dron istehsalında istifadə edilən texnologiyaların Rusiyaya ixracı məhdudlaşdırılır.

Kaya Kallas əlavə edib ki, Hindistanda fəaliyyət göstərən “Rosneft” neft emalı müəssisəsi də bu sanksiyalar paketinə daxil edilib.

Aİ-nin bu addımı Ukraynadakı müharibənin davam etdiyi şəraitdə Rusiyanın iqtisadi və hərbi imkanlarını zəiflətməyə yönəlib.