USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Ərdoğan Xankəndidə Şimali Kipr bayrağının dalğalanmasına görə Azərbaycana təşəkkür edib
Türkiyə Prezidenti Rəcəb Tayyib Ərdoğan Azərbaycan Prezidentinə və xalqına təşəkkürünü bildirib. Bu barədə o, “20 İyul Sülh və Azadlıq Günü” münasibətilə keçirilən rəsmi mərasimdə çıxışı zamanı danışıb.
Ərdoğan qeyd edib ki, Şimali Kipr Türk Cümhuriyyəti artıq Türk Dövlətləri Təşkilatı, İslam Əməkdaşlıq Təşkilatı və İqtisadi Əməkdaşlıq Təşkilatı kimi beynəlxalq qurumlarda təmsil olunur.
“Son olaraq, Xankəndidə İqtisadi Əməkdaşlıq Təşkilatının Zirvə görüşü zamanı Şimali Kipr Türk Cümhuriyyətinin şanlı bayrağı da digər ölkələrin bayraqları ilə yanaşı dalğalandı. Azərbaycan Prezidenti cənab İlham Əliyevə və can Azərbaycan xalqına Kipr mübarizəmizə verdikləri dəstəyə görə bir daha təşəkkür edirəm”, – deyə Türkiyə lideri vurğulayıb.
Ərdoğanın bu çıxışı Ankara ilə Bakı arasında artan siyasi həmrəyliyin və qarşılıqlı dəstəyin daha bir ifadəsi kimi qiymətləndirilir. O, həmçinin beynəlxalq platformalarda Şimali Kiprin tanınması istiqamətində atılan addımlarda Azərbaycanın mövqeyinin xüsusi önəm daşıdığını bildirib.
