USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Paşinyan: Vaşinqtonda Əliyevlə sülh sazişi imzalanması mümkün görünür
Ermənistanın baş naziri Nikol Paşinyan ilə Azərbaycan prezidenti İlham Əliyev arasında Vaşinqtonda keçiriləcək görüşdə sülh sazişinə imza atıla bilər. Bu barədə Ermənistanın “Joqovurd” qəzeti hökumətə yaxın mənbələrə istinadən məlumat yayıb.
Qəzetin yazdığına görə, Paşinyan “Vətəndaş Müqaviləsi” partiyasının qapalı iclasında ABŞ-da “müəyyən sənədin” imzalanma ehtimalının yüksək olduğunu bildirib. Sənədin tərəflər arasında “tarixi irəliləyiş” kimi təqdim ediləcəyi gözlənilir.
Mənbənin iddiasına görə, ABŞ vasitəçiliyi ilə aparılan danışıqlarda Zəngəzur dəhlizi məsələsinin həlli üçün yeni təklif irəli sürülüb. Bu təklifdə “dəhliz” termini işlədilmədən, heç bir suverenlik itirilmədən, lakin müəyyən xarici nəzarət mexanizmlərinin tətbiqi nəzərdə tutulur.
Vaşinqton görüşünün regionda uzunmüddətli sabitliyə yol aça biləcək diplomatik addım kimi qiymətləndirilməsi gözlənilir. Rəsmi Bakı və Yerevandan hələlik məsələ ilə bağlı rəsmi açıqlama verilməyib.
