USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Dövlət Departamentindən Zəngəzur dəhlizi ilə bağlı açıqlama
ABŞ Dövlət Departamentinin rəsmi nümayəndəsinin birinci müavini Tommi Piqott Vaşinqtonda Azərbaycan, ABŞ və Ermənistan liderlərinin iştirakı ilə keçiriləcək üçtərəfli görüşdən sonra Zəngəzur dəhlizi ilə bağlı sənədlərin imzalana biləcəyi barədə yayılan xəbərlərə münasibət bildirib.
Brifinqdə jurnalistlərin suallarını cavablandıran Piqott hazırda bu mövzuda konkret məlumatın olmadığını deyib və ətraflı açıqlama üçün Ağ Evə müraciət etməyi tövsiyə edib.
O, həmçinin qeyd edib ki, ABŞ-ın keçmiş prezidenti Co Bayden və sabiq dövlət katibi Antoni Blinken Bakı və İrəvan arasında tarixi sazişin əldə olunacağına dair nikbin fikirlərini dəfələrlə səsləndiriblər.
“Rəsmi olaraq elan edilə biləcək bir şey əldə etdikdə, bunu açıqlayacağıq. Təfərrüata gəlincə, fərziyyələr irəli sürmək və mümkün bəyanatları qabaqlamaq istəmirəm,” – deyə Piqott vurğulayıb.
