USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Ərdoğan və Makron Bakı–İrəvan sazişini müzakirə etdilər
Türkiyə prezidenti Rəcəb Tayyib Ərdoğan və Fransa prezidenti Emmanuel Makron arasında telefon danışığı olub. Bu barədə Fransa lideri özünün X sosial şəbəkəsində məlumat verib.
Makron açıqlamasında bildirib ki, tərəflər Ermənistan və Azərbaycan liderləri arasında keçirilən son görüşü müzakirə ediblər:
“Biz avqustun 8-də prezident Trampın himayəsi altında Ermənistan və Azərbaycan arasında keçirilən görüşdən yaranan ümidlər barədə danışdıq. Bu prosesin davam etməsi, bütün sərhədlərin açılması və regional əməkdaşlığın güclənməsi vacibdir”, – deyə Fransa lideri qeyd edib.
Telefon danışığında həmçinin Ukrayna ətrafındakı vəziyyət, Qəzza zolağında tərəflərin öhdəlikləri və Fələstin məsələsi də müzakirə mövzuları sırasında olub.
Makron Bakı–İrəvan arasında sülh sazişinin tezliklə imzalanmasının region üçün yeni imkanlar aça biləcəyini vurğulayıb.
