USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Prezidentdən hərbi xidmətə çağırışla bağlı sərəncam
Prezident İlham Əliyev Azərbaycan vətəndaşlarının 2025-ci il oktyabrın 1-dən 30-dək müddətli həqiqi hərbi xidmətə çağırılması və xidmətini başa vuran hərbi qulluqçuların ehtiyata buraxılması haqqında Sərəncam imzalayıb.
Sərəncama əsasən:
• 2007-ci ildə doğulmuş və çağırış gününədək 18 yaşı tamam olan,
• 1995–2006-cı illərdə doğulmuş, yaşı 30-dək olan, müddətli həqiqi hərbi xidmət keçməmiş, möhlət hüququ olmayan və ya xidmətə çağırışdan azad edilməmiş vətəndaşlar 2025-ci il oktyabrın 1-dən 30-dək müddətli həqiqi hərbi xidmətə çağırılacaqlar.
Bundan başqa, “Hərbi vəzifə və hərbi xidmət haqqında” qanunun 38.1.1-ci maddəsində nəzərdə tutulmuş xidmət müddətini başa vuran hərbi qulluqçular həmin dövrdə ehtiyata buraxılacaqlar.
Nazirlər Kabinetinə sərəncamın icrası ilə bağlı zəruri tədbirlər görmək tapşırılıb.
