USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Almaniya Ukraynaya maliyyə dəstəyi göstərməyə davam edəcək
Almaniya Ukraynaya hərbi qüvvə göndərməyi planlaşdırmır. Bu barədə “Bild” jurnalı məlumat yayıb.
Məlumata görə, Berlin yaxın vaxtlarda Rusiya Prezidenti Vladimir Putin və Ukrayna Prezidenti Vladimir Zelenski arasında görüşün keçiriləcəyinə və sülh razılaşmasının əldə olunacağına inanmır.
Hətta razılaşma əldə olunsa belə, Almaniya hökuməti öhdəliklərini əsasən maliyyə dəstəyi ilə yerinə yetirməyi nəzərdə tutur.
“Rəsmi mənbələrin bildirdiyinə görə, atəşkəsə nəzarət məqsədilə alman əsgərlərinin göndərilməsi ‘növbəti göstərişədək’ gündəmdə deyil. Yalnız ABŞ Prezidenti Donald Tramp konkret addımlar atacağı və Putin müharibəni dayandıracağı halda vəziyyət dəyişə bilər. Hazırda isə belə əlamətlər müşahidə olunmur”, – məlumatda qeyd olunub.
“Bild”in yazdığına əsasən, Almaniya Ukrayna Silahlı Qüvvələrinin gücləndirilməsini davam etdirəcək və hətta ukraynalı hərbçilərin bir hissəsinin maliyyə təminatını öz üzərinə götürməyi planlaşdırır.
Qeyd edək ki, daha əvvəl Bloomberg Avropanın 10 ölkəsinin Ukrayna ərazisinə hərbi kontingent göndərməyə razılıq verdiyini xəbər vermişdi.
