Rusiya Prezidenti Vladimir Putin Ukrayna Prezidenti Volodimir Zelenski ilə görüşə qarşı olmadığını bəyan edib. Bu barədə Rusiya lideri jurnalistlərin suallarını cavablandırarkən danışıb.

Putin bildirib ki, o, görüş məsələsinə açıq yanaşır. Lakin bu cür təmasların baş tutması üçün müəyyən şərtlərin və mümkün nəticələrin öncədən dəqiqləşdirilməsinin vacib olduğunu vurğulayıb: “Əgər görüş olacaqsa, bu, nəticə verməlidir. Sadəcə görüntü naminə deyil, konkret məqsədlərə xidmət etməlidir”, – deyə o qeyd edib.

Hazırda belə bir görüşün baş tutub-tutmayacağı, onun formatı və gündəliyi barədə rəsmi detallı açıqlama verilməyib. Həmçinin, tərəflər arasında bu istiqamətdə aparılan danışıqların olub-olmadığı da məlum deyil.

Qeyd edək ki, Rusiya ilə Ukrayna arasında 2022-ci ilin fevralından bəri davam edən müharibə fonunda liderlər səviyyəsində birbaşa görüş baş tutmayıb.