Finlandiya prezidenti Aleksandr Stubb Avropa ölkələrinin Rusiya ilə mümkün müharibəyə hazır olmaları gərəkdiyini bildirib.

O, bu fikri İngiltərənin The Guardian qəzetinə müsahibəsində Ukrayna üçün nəzərdə tutulan təhlükəsizlik zəmanətlərindən danışarkən səsləndirib.

Prezidentin sözlərinə görə, Ukraynaya veriləcək təhlükəsizlik zəmanətləri Moskva gələcəkdə yenidən hərbi əməliyyatlara başlasa, Avropa ölkələrini Rusiya ilə birbaşa qarşıdurmaya məcbur edə bilər:

“Əslində təhlükəsizlik zəmanətləri çəkindirici vasitədir. Bu çəkindirici təsirin inandırıcı olması üçün isə o, güclü olmalıdır.”

Stubb qeyd edib ki, zəmanətlər yalnız Ukrayna və Rusiya arasında sülh razılaşmasından sonra qüvvəyə minəcək. O həmçinin vurğulayıb ki, bu məsələdə Moskvanın mövqeyinin heç bir əhəmiyyəti yoxdur:

“Rusiyanın müstəqil bir dövlətin suveren qərarlarında tamamilə heç bir rolu yoxdur. Mənim üçün bu, Rusiyanın razılaşıb-razılaşmayacağı ilə bağlı deyil. Əlbəttə, razılaşmayacaqlar, amma bu, önəmli deyil.”

Xatırladaq ki, ötən ay Fransa prezidenti Emmanuel Makron açıqlamışdı: 26 ölkə Ukraynada “zəmanət qüvvəsi”nin bir hissəsi olmağı öhdəsinə götürüb və onların bəziləri “quruda, dənizdə və ya havada” iştirak etməyi vəd edib.

Finlandiya prezidenti isə təhlükəsizlik zəmanətlərinin mahiyyətini belə izah edib:

“Təhlükəsizlik təminatlarının mahiyyəti də məhz budur.”