USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Ukrayna və Rusiya arasında danışıqların üçüncü raundu İstanbulda keçiriləcək
İyulun 23-də, çərşənbə günü Ukrayna və Rusiya arasında sülh danışıqlarının üçüncü raundu İstanbulda baş tutacaq. Bu barədə Ukrayna Prezidenti Volodimir Zelenski axşam müraciətində məlumat verib.
Zelenski bildirib ki, görüş zamanı bir sıra mühüm məsələlər gündəmdə olacaq. O, xüsusilə əsirlərin azad olunması, Rusiya tərəfindən zorla deportasiya edilən ukraynalı uşaqların geri qaytarılması və dövlət başçıları səviyyəsində mümkün görüşün təşkili ilə bağlı müzakirələrin aparılacağını vurğulayıb.
“Bu danışıqlar bizim üçün çox vacibdir. Biz ədalətin bərpası və vətəndaşlarımızın geri qaytarılması üçün çalışırıq”, – deyə Ukrayna prezidenti qeyd edib.
Qeyd edək ki, bu, Ukrayna və Rusiya nümayəndə heyətləri arasında münaqişənin həlli məqsədilə keçirilən üçüncü birbaşa görüş olacaq. Danışıqlarda beynəlxalq vasitəçilərin iştirakı da gözlənilir.
