USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Deputatın kürəkəni səfirlikdən geri çağırıldı, nazirlikdə vəzifə aldı
Adı korrupsiya qalmaqalında hallanan Azərbaycanın İraqdakı keçmiş səfiri Nəsir Məmmədov yeni vəzifəyə təyin olunub.
Məlumata görə, Nəsir Məmmədov Xarici İşlər Nazirliyində Yaxın Şərq və Afrika idarəsinin rəis müavini vəzifəsinə gətirilib.
Xatırladaq ki, o, 2023-cü ildə Azərbaycanın Bağdaddakı səfiri təyin olunmuşdu. Lakin ötən ilin dekabrında geri çağırılıb.
Həmin dövrdə mediada yayılan xəbərlərdə səfirlikdə ciddi qanun pozuntuları və korrupsiya halları barədə iddialar səsləndirilirdi. Xüsusilə vurğulanırdı ki, 20 dollar dəyərində olan vizaların saxta “vasitəçi şirkət” vasitəsilə 500 dollara satıldığı ortaya çıxıb.
Nəsir Məmmədov 2018-ci ilə qədər Əmək və Əhalinin Sosial Müdafiəsi nazirinin müavini vəzifəsində çalışmış Natiq Məmmədovun oğludur. O həmçinin Milli Məclisin Ailə, qadın və uşaq məsələləri komitəsinin sədri, deputat Hicran Hüseynovanın kürəkənidir.
