Neft satışında adı hallanan və hazırda həbsdə olan Adnan Əhmədzadənin işi ətrafında yeni detallar üzə çıxıb. Ajans.az-ın Gununsesi.info-ya istinadən verdiyi məlumata görə, istintaq prosesinə vaxtilə onun əsas kuratoru olmuş Anar Əlizadənin də cəlb ediləcəyi gözlənilir.

Mənbələrin bildirdiyinə görə, Anar Əlizadə artıq Bakıya çağırılıb və ölkədən çıxışına qadağa qoyulub. İddialara əsasən, Adnan Əhmədzadə bəzi məqamlarda məsuliyyətin Anar Əlizadəyə aid olduğunu deyib.

Hazırda aparılan cinayət işi çərçivəsində Anar Əlizadənin də dindirilməsi gözlənilir. Mənbə həmçinin bu prosesin SOCAR-ın sabiq rəhbəri Rövnəq Abdullayev üçün də ciddi nəticələr doğura biləcəyini istisna etmir.

Araşdırmalar zamanı məlum olub ki, bir neçə ay əvvəl Anar Əlizadə ilə Adnan Əhmədzadə arasında konflikt yaranıb.

Gununsesi.info əməkdaşlarının Anar Əlizadə ilə əlaqə yaratmaq cəhdi isə nəticəsiz qalıb – o, məsələ ilə bağlı şərh verməyib.