USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
İbrahim Ləmbəranskinin prokurorluqdakı fəaliyyətinə xitam verildi
İbrahim Ləmbəranskinin prokurorluq orqanlarında qulluq keçməsinə xitam verilib. Bu barədə Baş Prokurorluğun Mətbuat Xidməti məlumat yayıb.
53 yaşlı Ləmbəranski 1995-ci ildən etibarən prokurorluqda çalışıb. O, müxtəlif illərdə Baş Prokurorluğun Ağır Cinayətlərə Dair İşlər üzrə İstintaq İdarəsinin xüsusilə mühüm işlər üzrə böyük müstəntiqi, həmçinin Bakı şəhəri Pirallahı rayon prokuroru vəzifələrində fəaliyyət göstərib.
Adı bir sıra rezonans doğuran işlərin istintaqında keçən Ləmbəranski 2012-ci ildə Quba rayonunda baş verən kütləvi etirazlarla bağlı həbs edilənlərin, eləcə də müxalif “NİDA” Vətəndaş Hərəkatının bəzi fəallarının, hüquq müdafiəçisi Leyla Yunusun və jurnalist Rauf Mirqədirovun işlərinin istintaqına rəhbərlik edib.
Rəsmi məlumata əsasən, İbrahim Ləmbəranski öz ərizəsi əsasında 10 sentyabr tarixindən etibarən prokurorluq orqanlarındakı fəaliyyətinə xitam verib.
Qeyd edək ki, bu gün onun Strateji Obyektlərin Mühafizəsi Dövlət Agentliyinin rəisinin müşaviri təyin olunması ilə bağlı da xəbər yayılıb. Bundan əvvəl isə, iyun ayında Sabunçu rayon prokuroru vəzifəsindən azad edilərək sərəncama götürülmüşdü.
