USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Ermənistanda dövlətə xəyanətdə ittiham olunan konsul Azərbaycana işləməkdə suçlanır
Ermənistanda Xarici İşlər Nazirliyinin əməkdaşı, Vyanadakı konsul Aşxen Arakelyan barəsində dövlətə xəyanət ittihamı üzrə ibtidai istintaq tamamlanıb və iş məhkəməyə göndərilib. Bu barədə Ermənistan İstintaq Komitəsi məlumat yayıb.
Xatırladaq ki, iyunun 20-də Ermənistan Milli Təhlükəsizlik Xidmətindən (MTX) daxil olmuş məlumat əsasında cinayət işi başlanıb. A. Arakelyana qarşı Cinayət Məcəlləsinin 418.1 və 424.1-ci maddələri ilə – xarici dövlət nümayəndəsinin dövlət sirri olan məlumatlarla tanış olmasına şərait yaratmaq və düşmənçilik fəaliyyətinə yardım etmək – ittiham irəli sürülüb.
İttihama görə, Ermənistanın Vyanadakı konsulu uzun müddət Azərbaycan xüsusi xidmət orqanları ilə əməkdaşlıq edib. O, “Adəm” adlı şəxslə tanış olub. Özünü ABŞ-də doğulmuş, Avstriyada yaşayan yəhudi iş adamı kimi təqdim edən həmin şəxs konsulla ingilis və alman dillərində ünsiyyət qurub.
Sonradan A. Arakelyan qarşı tərəfə müxtəlif məlumatlar ötürüb və bunun müqabilində ayda 3500 avro məvacib alıb.
Hazırda məhkəmə prosesinin başlanacağı gözlənilir.
