USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
İsrail Qreta Tunberqi deportasiya edir
İsrail hakimiyyəti Qəzzaya humanitar yardım aparmaq istəyən “Global Sumud Flotilla” adlı gəmilər karvanında saxlanılan isveçli iqlim fəalı Qreta Tunberqi ölkədən deportasiya edir.
Xarici KİV-lərin məlumatına görə, Tunberq və digər bir neçə beynəlxalq fəal Yunanıstana göndəriləcək. Onlar oktyabrın 3-də İsrail donanması tərəfindən ələ keçirilən humanitar missiya gəmilərindən birində saxlanılmışdılar.
İsrail ordusu bildirib ki, flotilladakı gəmilər Qəzza blokadasını yarmağa cəhd edib. Fəallar isə bildiriblər ki, məqsədləri bölgəyə ərzaq və tibbi ləvazimat çatdırmaq olub.
Hadisə zamanı onlarla fəal saxlanılıb. Onların bir qismi artıq deportasiya edilib, digərlərinin taleyi ilə bağlı prosedurlar davam edir.
Qreta Tunberq sosial şəbəkədə açıqlamasında bildirib ki, “Qəzzadakı humanitar böhran zamanı sükut etmək günahdır” və mülki əhalinin müdafiəsi üçün beynəlxalq ictimaiyyəti daha qətiyyətli addımlar atmağa çağırıb.
