USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
AQTA heyvan kəsimi və ət satışı məntəqələrinə xəbərdarlıq edib
Azərbaycan Qida Təhlükəsizliyi Agentliyi (AQTA) baytarlıq-sanitariya və gigiyena normalarına cavab verməyən, küçələrdə və yol kənarlarında qanunsuz heyvan kəsimi və ət satışı ilə məşğul olan şəxslərə xəbərdarlıq edib.
Məlumata görə:
• Ölkədə aşkar edilmiş nöqsanlarla bağlı qanunvericiliyə uyğun tədbirlər görülür və kəsimlə məşğul olan şəxslərə heyvan kəsimini mərkəzləşdirilmiş və müasir kəsim məntəqələrində həyata keçirmələri tövsiyə olunur.
• Ət məhsulları yalnız baytarlıq arayışı və baytarlıq şəhadətnaməsi ilə satışa çıxarıla bilər. Baytarlıq nəzarətindən keçməyən ətlərin istehlakı zoonoz xəstəliklərə yoluxma riskini artırır.
• AQTA vətəndaşları qanunsuz kəsimdən əldə edilən ətləri almamağa və müasir standartlara cavab verən kəsim məntəqələrindən istifadə etməyə çağırıb.
Agentlik bildirib ki, hazırda dünyada yoluxucu xəstəliklərin 60%-dən çoxu zoonoz infeksiyalarla bağlıdır və sağlamlıq üçün yalnız sənədlərlə müşayiət olunan ət məhsullarının istehlakı tövsiyə olunur.
