USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Altay Göyüşov Baş Prokurorluğa çağırılıb
Fransada yaşayan tarixçi, “Sciences-Po” Universitetinin elmi işçisi Altay Göyüşov Azərbaycan Baş Prokurorluğuna çağırılıb. Bu barədə qurumun rəsmi müraciəti noyabrın 14-də İctimai Televiziyada yayımlanıb.
Məlumata görə, A. Göyüşov təqsirləndirilən şəxs qismində noyabrın 21-i saat 16:00-da Baş Prokurorluğun İstintaq Baş İdarəsinə gəlməlidir.
Baş Prokurorluq bildirib ki, tarixçi barəsində 23 fevral 2024-cü il tarixində Cinayət Məcəlləsinin 281.2-ci maddəsi (dövlət əleyhinə yönələn açıq çağırışlar) ilə cəlbetmə haqqında qərar qəbul edilib. Qurumun məlumatında qeyd olunur ki, Göyüşov istintaqdan yayındığı üçün barəsində ittiham elan olunması məqsədilə axtarış elan edilib və Binəqədi Rayon Məhkəməsinin həmin tarixli qərarı ilə qiyabi həbs qətimkan tədbiri seçilib.
Açıqlamada iddia edilir ki, Altay Göyüşov:
• 20 aprel 2020-ci ildə “YouTube” platformasında “Düz Danışaq” kanalında,
• 2 sentyabr 2024 və 1 yanvar 2025-ci il tarixlərində isə öz adına olan “Facebook” kanalında
qeyriləri ilə qabaqcadan əlbir olan bir qrup şəxs tərkibində mövcud hakimiyyətə qarşı zor tətbiq etməyə çağırış xarakterli çıxışlar edib və bu materialları yayıb.
Altay Göyüşov uzun illər Müsavat Partiyası və REAL Hərəkatının üzvü olub. O, hazırda Parisdə yaşayır və sosial şəbəkələrdə Azərbaycan hakimiyyətini tənqid edən çıxışları ilə tanınır.
