USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Azərbaycanla Ruanda arasında təhsil sahəsində saziş təsdiqləndi
Azərbaycanla Ruanda arasında təhsil sahəsində əməkdaşlığı nəzərdə tutan yeni saziş rəsmiləşdirilib. Prezident İlham Əliyevin imzaladığı Fərmanla, “Azərbaycan Respublikasının Elm və Təhsil Nazirliyi ilə Ruanda Respublikasının Təhsil Nazirliyi arasında təhsil sahəsində əməkdaşlıq haqqında Saziş” təsdiq edilib.
Sənədə əsasən:
• Saziş qüvvəyə mindikdən sonra Elm və Təhsil Nazirliyi onun müddəalarının icrasını təmin edəcək.
• Xarici İşlər Nazirliyi isə sazişin qüvvəyə minməsi üçün tələb olunan dövlətdaxili prosedurların tamamlandığını Ruanda tərəfinə rəsmi şəkildə bildirməlidir.
Qeyd olunur ki, həmin saziş 2025-ci il sentyabrın 20-də Bakıda imzalanıb.
Razılaşma iki ölkə arasında təhsil mübadiləsinin gücləndirilməsi, akademik əməkdaşlıq, təhsil proqramlarının inkişafı və qarşılıqlı təcrübə mübadiləsi kimi sahələri əhatə edir.
