USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Prezident İlham Əliyev “Dövlət xidmətləri haqqında” qanunu imzaladı: Elektron Reyestr yaradılır
Prezident İlham Əliyev “Dövlət xidmətləri haqqında” yeni qanunu imzalayıb. Qanunla Azərbaycanda Dövlət Xidmətlərinin Elektron Reyestri (DXER) yaradılır və dövlət xidmətlərinin vahid elektron platformada idarə olunması təmin ediləcək.
Yeni sistem dövlət xidmətlərinin şəffaflığını, əlçatanlığını və operativliyini artırmağı hədəfləyir.
Qanuna əsasən:
Yeni dövlət xidməti müəyyən edən normativ hüquqi akt qüvvəyə mindikdən 30 iş günü ərzində həmin xidmətin reqlamenti DXER-ə təqdim olunmalıdır.
Xidmət təminatçıları məlumatları öz elektron kabinetləri vasitəsilə təkmil sertifikatlı gücləndirilmiş elektron imza ilə təsdiqləyərək göndərəcəklər.
DXER operatoru təqdim edilmiş məlumatların tamlığını və düzgünlüyünü 7 iş günü ərzində yoxlayacaq və nəticə barədə xidmət təminatçısına elektron bildiriş göndərəcək.
Əgər çatışmazlıqlar aşkarlanarsa, xidmət təminatçısı onları 7 iş gününədək aradan qaldırmalı və məlumatları yenidən reyestr operatoruna təqdim etməlidir.
Yeni qanun dövlət xidmətlərinin rəqəmsallaşdırılması prosesində növbəti mərhələ hesab olunur və “hökumət–vətəndaş” münasibətlərində daha effektiv idarəetməyə imkan verəcək.
