Azərbaycanda dini qurumlara ümumilikdə 6,3 milyon manat məbləğində maliyyə yardımı ayrılıb.

Prezident İlham Əliyev bununla bağlı müvafiq Sərəncam imzalayıb.

Sərəncama əsasən, dini qurumlara maliyyə dəstəyinin göstərilməsi məqsədilə dövlət büdcəsində nəzərdə tutulmuş Azərbaycan Prezidentinin ehtiyat fondundan aşağıdakı vəsaitlər ayrılıb:
• Qafqaz Müsəlmanları İdarəsinə – 3,5 milyon manat
• Rus Pravoslav Kilsəsinin Bakı və Azərbaycan Yeparxiyası dini qurumuna – 400 min manat
• Bakı şəhəri Dağ yəhudiləri dini icmasına – 400 min manat
• Avropa yəhudilərinin Bakı dini icmasına – 400 min manat
• Sefarad yəhudilərinin Bakı dini icmasına – 400 min manat
• Azərbaycan Respublikasında Katolik Kilsəsinin Apostol Prefekturasına – 400 min manat
• Azərbaycan Respublikasının Alban-Udi xristian dini icmasına – 400 min manat
• Digər qeyri-islam dini icmalarına maddi dəstək məqsədilə Dini Qurumlarla İş üzrə Dövlət Komitəsinin tabeliyində Mənəvi Dəyərlərin Təbliği Fonduna – 400 min manat