Ötən gün Azərbaycana rəsmi səfər edən İran Prezidenti Məsud Pezeşkianı Tehrandan gələn böyük nümayəndə heyəti müşayiət edib. Prezidentin səfərində diqqət çəkən məqam isə onun qızı Zəhra Pezeşkianın da nümayəndə heyətində yer alması olub.

Məlumata görə, İran liderinin həyat yoldaşı uzun illər öncə vəfat etdiyindən, Məsud Pezeşkianı prezident seçkiləri dövründə və digər xarici səfərlərdə də əsasən qızı müşayiət edir.

Qeyd edək ki, Prezident Pezeşkianın üç övladı var: Mehdi, Yusif və Zəhra. Zəhra Pezeşkian İrandakı nüfuzlu Şərif Texnologiya Universitetində kimya ixtisası üzrə magistr təhsili alıb. O, əvvəllər “Jam Petrochemicals” şirkətində çalışıb.

İran Prezidentinin kürəkəni, Zəhra Pezeşkianın həyat yoldaşı Həsən Məcidi isə hazırda Prezident Administrasiyasının rəhbərinin icraçı köməkçisi vəzifəsində çalışır. O, maliyyə sahəsində ixtisaslaşmış mütəxəssisdir və daha əvvəl özəl sektorda fəaliyyət göstərib.