USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Türkiyə Prezident Aparatı Ərdoğanın Ermənistana maliyyə yardımı ilə bağlı iddiaları təkzib edib
Türkiyə Prezident Aparatının Kommunikasiya İdarəsinin Dezinformasiya ilə Mübarizə Mərkəzi (DMM) Prezident Rəcəb Tayyib Ərdoğanın Ermənistana 10 milyon dollarlıq maliyyə yardımı göstərilməsi barədə fərman imzalaması ilə bağlı yayılan iddiaları təkzib edib.
Bu barədə DMM tərəfindən yayılan rəsmi açıqlamada məlumat verilib. Bildirilib ki, sözügedən iddialar tamamilə əsassızdır və həqiqəti əks etdirmir.
Açıqlamada qeyd olunur:
“Prezidentimiz cənab Rəcəb Tayyib Ərdoğanın Ermənistanda həlak olan əsgərlərin ailələrinə və cəmiyyətin ehtiyacı olan təbəqələrinə 10 milyon dollarlıq maliyyə yardımı ilə bağlı fərman imzalaması iddiaları tamamilə uydurmadır.”
Dezinformasiya ilə Mübarizə Mərkəzi vurğulayıb ki, bu tip yalan məlumatlar Türkiyə–Azərbaycan münasibətlərini hədəf alır. Mərkəz ictimaiyyəti bu cür dezinformasiyalara inanmamağa, yalnız rəsmi qurumların açıqlamalarına etibar etməyə çağırıb.
Qeyd edək ki, son günlər sosial şəbəkələrdə və bəzi platformalarda Türkiyə Prezidentinin guya Ermənistana maliyyə yardımı ayırması ilə bağlı iddialar yayılmışdı. Rəsmi qurumlar bu məlumatların həqiqətə uyğun olmadığını bir daha bəyan ediblər.
