USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Strasburqda Paşinyan hökumətinə qarşı etiraz aksiyası keçirilib
Avropada yaşayan bir qrup separatçı erməni Fransanın Strasburq şəhərində Avropa Şurası Parlament Assambleyasının (AŞPA) binası qarşısında etiraz aksiyası keçirib. Aksiya Ermənistanın Baş naziri Nikol Paşinyanın apardığı siyasətə qarşı yönəlib.
Etirazçılar Ermənistan hakimiyyətini siyasi repressiyalarda ittiham edərək, ölkədə həbs olunduğunu iddia etdikləri keşişlərin azadlığa buraxılmasını tələb ediblər. Bununla yanaşı, aksiya iştirakçıları Azərbaycanda saxlanılan və terror fəaliyyəti ilə bağlı məsuliyyətə cəlb olunmuş şəxslərin də azad edilməsini tələb edən şüarlar səsləndiriblər.
Aksiya zamanı iştirakçılar Paşinyan hökumətinin daxili və xarici siyasətini tənqid edən plakatlar qaldırıb, Ermənistan rəhbərliyinin milli və dini dəyərlərə zidd addımlar atdığını iddia ediblər. Onlar beynəlxalq təşkilatları, xüsusilə də Avropa qurumlarını bu məsələlərə diqqət yetirməyə çağırıblar.
Tədbir təhlükəsizlik tədbirləri altında keçirilib və insident qeydə alınmayıb. Ermənistan hökuməti və rəsmi Bakı etiraz aksiyasında səsləndirilən tələblərlə bağlı hələlik açıqlama verməyib.
