USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Eleanor Holmes Norton prezident Əliyevin mühafizəçilərinə sanksiya tələb edir
ABŞ Konqresinin üzvü Eleanor Holmes Norton Azərbaycan Prezidentinin mühafizəçilərinin ABŞ-a girişinin qadağan olunmasını tələb edib.
O, bununla bağlı ABŞ-ın Dövlət katibi Marko Rubioya rəsmi məktub ünvanlayıb.
Konqresmenin 23 fevral 2026-cı il tarixli məktubunda bildirilir ki, ötən həftə Kolumbiya Dairəsində yerləşən Waldorf Astoria otelinin qarşısında dinc xarakter daşıdığı görünən etirazçılara qarşı Azərbaycan prezidentinin mühafizəçiləri tərəfindən edilən hücum narahatlıq doğurur. Norton bu hadisəni söz və sərbəst toplaşma azadlığını qoruyan ABŞ Konstitusiyasının Birinci Düzəlişinə zidd addım kimi qiymətləndirib.
Məktubda Dövlət Departamentindən etirazçılara hücum edən və ya bu hücumu əmr edən azərbaycanlı rəsmilərin, əgər artıq ABŞ-ni tərk ediblərsə, ölkəyə yenidən girişinin qadağan edilməsi, hələ də ABŞ ərazisindədirlərsə, ölkədən çıxarılmasının təmin olunması tələb edilir.
Konqresmen həmçinin qeyd edib ki, əgər prokurorluq araşdırma aparacaqsa, hücumda adı keçən şəxslər üçün diplomatik toxunulmazlıqdan imtina olunması məsələsinə də baxılmalıdır.
Eleanor Holmes Norton məktuba 9 mart 2026-cı il tarixinədək yazılı cavab verilməsini xahiş edib.
