USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Aprelin 19-da Aleksandar Vuçiç İlham Əliyevə telefonla zəng edib.
Vuçiç İlham Əliyevə zəng etdi: əməkdaşlıq və yeni layihələr müzakirə olundu
Söhbət zamanı Azərbaycan Prezidentinin bu ilin fevralında Serbiyaya rəsmi səfəri və həmin səfər çərçivəsində keçirilmiş Azərbaycan-Serbiya Strateji Tərəfdaşlıq Şurasının ilk iclası məmnunluqla xatırlanıb. İmzalanmış sənədlərin ikitərəfli əlaqələrin möhkəmlənməsinə töhfə verdiyi vurğulanıb.
Dövlət başçıları iqtisadi əməkdaşlığın genişləndirilməsi, enerji, investisiyalar və strateji əhəmiyyətli birgə layihələrin inkişafı ilə bağlı fikir mübadiləsi aparıblar.
Aleksandar Vuçiç Azərbaycanın Serbiyaya göstərdiyi dəstəyə görə minnətdarlığını ifadə edib və münasibətlərin dostluq və qarşılıqlı hörmət əsasında inkişaf etdiriləcəyini bildirib.
Telefon danışığı zamanı Vuçiçin gələn ay Bakıda keçiriləcək Ümumdünya Şəhərsalma Forumunun XIII sessiyasında iştirak edəcəyi də qeyd olunub.
Həmçinin Air Serbia tərəfindən mayın 3-dən Belqrad–Bakı marşrutu üzrə birbaşa uçuşların başlanmasının əhəmiyyəti vurğulanıb.
Sonda tərəflər Yaxın Şərqdəki vəziyyəti müzakirə edərək, regionda sülh və sabitliyin vacibliyini qeyd ediblər.
