USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Gürcüstan Aİ-ni viza rejimini siyasiləşdirməkdə ittiham etdi
Gürcüstan parlamentinin sədri Şalva Papuaşvili Avropa İttifaqını viza siyasətini siyasi təzyiq alətinə çevirməkdə ittiham edib.
Papuaşvilinin sözlərinə görə, Aİ Gürcüstandan viza siyasətini Avropa standartlarına uyğunlaşdırmağı tələb edir ki, bu da faktiki olaraq Rusiyaya qarşı sanksiyalara qoşulmaq anlamına gəlir.
O bildirib ki, Tbilisi ölkənin maraqlarına zidd addımlar atmayacaq və viza rejiminin siyasi məqsədlər üçün istifadə edilməsini qəbul etmir.
Parlament sədri həmçinin qeyd edib ki, Avropa İttifaqı Gürcüstanla bağlı əvvəl mövcud olmayan siyasi meyarlar tətbiq edir və bu tələblərin yalnız Gürcüstana qarşı irəli sürüldüyünü iddia edib.
Papuaşvili əlavə edib ki, Brüssel Gürcüstandan Rusiyaya qarşı sanksiyalara qoşulmağı tələb edir və bunu vizasız rejimin saxlanılması ilə əlaqələndirir. Onun sözlərinə görə, tərəflər arasında fikir ayrılıqları əsasən bu məsələlər ətrafında cəmləşib.
