Bakıda 5 nəfərin ölümünə səbəb olmaqda təqsirləndirilən sürücü Mahmud Əzizovun cinayət işi üzrə məhkəmə prosesi başa çatıb.

Foto.info.az xəbər verir ki, Bakı Ağır Cinayətlər Məhkəməsində hakim Məhəmməd Əkbərovun sədrliyi ilə keçirilən prosesdə hökm oxunub.

Hökmə əsasən, Mahmud Əzizov 6 il müddətinə azadlıqdan məhrum edilib.

Qeyd edək ki, 2021-ci il oktyabrın 13-də saat 06:40-da Mahmud Babagözəl oğlu Əzizov idarə etdiyi “Mercedes-Benz” markalı, 99-DH-343 dövlət qeydiyyat nişanlı yük avtomobili ilə Aeroport şosesinin Suraxanı rayonu ərazisindən keçən hissəsində hərəkətdə olarkən qarşıda gedən Tahir Ruhulla oğlu Abdullayevin idarə etdiyi “Daewoo” markalı, 10-TH-116 dövlət qeydiyyat nişanlı sərnişin avtobusuna çırpılıb, nəticədə avtobus səkidə və yol kənarında dayanan adamların üzərinə aşıb.

Qəza nəticəsində avtobusda olan sərnişin 1985-ci il təvəllüdlü Kəmalə Eloğlan qızı Babayeva, eləcə də səkidə və yol kənarında dayanmış 1964-cü il təvəllüdlü Məhiyəddin Qara oğlu Abdullayev, 1989-cu il təvəllüdlü İlham Elxan oğlu Aslanov, 1961-ci il təvəllüdlü İradə Əli qızı İsgəndərova və 1965-ci il təvəllüdlü Mehbarə Şaban qızı Yaqubova hadisə yerində ölüblər.

Bundan başqa, 1968-ci il təvəllüdlü Zahid Babasan oğlu Tağıyev, 1972-ci il təvəllüdlü Samirə Vaqif qızı Mansurova, 1979-cu il təvəllüdlü Sərdar Rza oğlu Rzayev, 1954-cü il təvəllüdlü Anna İsayevna Sapojnikova, 1988-ci il təvəllüdlü Ruslan Rövşən oğlu Hüseynov, 1990-cı il təvəllüdlü Gülüş Həsənağa qızı Sadıqova, 1968-ci il təvəllüdlü Müslüm Paşa oğlu Səlimov, 1990-cı il təvəllüdlü Elvin Zakir oğlu Məmmədov, 1998-ci il təvəllüdlü Muraz Mərdan oğlu Əliyev, 1967-ci il təvəllüdlü Gülşən Ələddin qızı Məmmədova, 1984-cü il təvəllüdlü Aygün Səməd qızı Ağayeva, 1969-cu il təvəllüdlü Zərifə İsmayıl qızı Əliyeva, 1962-ci il təvəllüdlü Eldar Hacıbaba oğlu Hüseynov, 1960-cı il təvəllüdlü Yeganə Ənvər qızı Sadıqova, 1975-ci il təvəllüdlü Ramiz Vüsal oğlu Zeynalabdiyev, 1986-cı il təvəllüdlü Aytən Əli qızı Kərimova, 1983-cü il təvəllüdlü Nəriman Adışirin oğlu Həsənov, 1962-ci il təvəllüdlü Samirə Sergey qızı Eyvazova, 1962-ci il təvəllüdlü Mətanət Nurulla qızı Əsədova, 1993-cü il təvəllüdlü Surət Nüsrət oğlu Tağıyev, 1985-ci il təvəllüdlü Orxan Savalan oğlu İbrahimov, 1988-ci il təvəllüdlü Emin Telman oğlu Məmmədov, 1984-cü il təvəllüdlü Bağdagül Nağı qızı Nağıyeva, 1966-cı il təvəllüdlü Natiq Taksim oğlu Cəbiyev, 1989-cu il təvəllüdlü Aynurə Vilayət qızı Həsənova və 1987-ci il təvəllüdlü Cavid Eldəniz Qəribov xəsarət alıblar.