Avqustun 13-də axşam futbol üzrə Çempionlar Liqasının III təsnifat mərhələsinin cavab oyununda Ağdamın “Qarabağ” komandası səfərdə Bolqarıstanın “Ludoqorets” komandası üzərində böyük hesablı qələbə qazanıb.

“Qarabağ” bir həftə əvvəl Bakıda bolqarlara 1:2 hesabı ilə uduzmuşdu.

Cavab oyununda “Qarabağ” 7-ci dəqiqədə Juninyonun solo keçidindən sonra hesabı açıb.

Lakin altı dəqiqə sonra hesabı bərabərləşdirən meydan sahibləri 23-cü dəqiqədə önə keçiblər.

İlk hissənin sonuna kimi "Qarabağ" şokdan çıxa bilib.

45+1-ci dəqiqədə Benzia tarazlığını bərpa etdi. Fasiləyə çıxmazdan əvvəl (45+5 dəqiqə) Patrik Andrade "Qarabağ"ı önə çıxarıb - 3:2.

İkinci hissədə hesab dəyişməyib və iki oyunun ümumi hesabı bərabər (4:4) olduğundan əlavə vaxt təyin edilib.

Əlavə vaxtda “Qarabağ” qarşısı alınmaz idi. 93-cü dəqiqədə Toral Bayramov 4-cü qolu vurub.

Daha sonra Cica, yenə Patrik Andrade və Yassin Benzia hərəyə bir qol vurub

Hakimin son fiti “Qarabağ”ın “Ludoqorets” üzərində 7:2 hesablı inamlı qələbəsini qeydə alıb.

“Qarabağ” Çempionlar Liqasının pley-off mərhələsinə yüksəlib və komandanın növbəti rəqibi Zaqrebin «Dinamo klubu olacaq».