Birincisi, Qeyts zərərli insanların kibercinayətkarlıq, bioterrorizm və müharibə üçün süni intellektdən istifadə edəcəyindən narahatdır və hesab edir ki, bu cür manipulyasiyalardan bir addım öndə olacaq və onlara qarşı dura biləcək süni intellekt yaratmaq lazımdır.

İkincisi, o, insanların kütləvi şəkildə işdən çıxarılmasına və onların süni intellektlə əvəzlənməsinə səbəb ola biləcək bazardakı dəyişikliklərin sürətindən narahatdır. O qeyd edib ki, lazımi təlim ilə tibbi süni intellekt alətləri dəqiq diaqnozlar qoya və satış menecerlərinin, müəllimlərin və digər mütəxəssislərin rutin tapşırıqlarını öz üzərinə götürə bilər. Eyni zamanda, Qeyts əmindir ki, belə işçilər işlərini itirməyəcəklər, əksinə, başqa vəzifələri yerinə yetirə biləcəklər və iş həftəsi qısaldılacaq. Bununla belə, “dəyişiklik tempi” milyarderi qorxudur.

Üçüncüsü, Qeyts süni intellektə nəzarəti itirməkdən narahatlığını bölüşür. Bir çox tədqiqatçılar bundan əvvəl də xəbərdarlıq etmişdilər. Sahibkar etiraf edir ki, ilk iki problemin həlli üçüncüdən daha asandır.

Qeytsin özü gündəlik həyatında, məsələn, görüşləri yekunlaşdırmaq üçün süni intellektdən fəal istifadə etdiyini bildirib. O, əvvəllər mesaj yazarkən və görüşlər planlaşdırarkən ChatGPT-dən istifadə etdiyini etiraf etdi. Bununla belə, o qeyd edir ki, süni intellekt müəyyən tapşırıqların öhdəsindən o qədər də gələ bilmir.

Nəhayət, Qeyts süni intellekt üçün enerji istehlakının artırılmasından narahat deyil. O, əmindir ki, süni intellekt nəhayət enerji istehlakını azaltmaq və dayanıqlı enerjiyə keçid yollarını tapacaq.