Aprelin 7-də “İnkişafa Doğru” imkansız ailələrə sosial yardım və hüquqi maarifləndirmə ictimai birliyi və “Red Hearts” (Qırmızı Ürəklər) fondunun birgə təşkilatçılığı ilə “Passage 1901”-də “Ramazan Xeyriyyə Yarmarkası” keçirilmişdir. Tədbir çərçivəsində müxtəlif əl işləri, sənət əsərləri və digər fərqli məhsullar satışı çıxarılmış, konsert proqamı və lotereya təşkil olunmuşdur.

Tədbirə daun sindromundan, leykemiyadan və digər xəstələliklərdən əziyyət çəkən, habelə uşaq sığıcağında məskunlaşmış müxtəlif yaş aralığında uşaqlar və yeniyetmələr dəvət edilmişdir. Tədbirdən əldə olunan gəlir 1 iyun “Beynəlxalq Uşaqlar Günü” münasibətilə ailə himayəsindən məhrum olmuş, müxtəlif xəstəliklərdən əziyyət çəkən uşaqların sosial rifahının yaxşılaşdırılmasına sərf olunacaqdır.