USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Kanada vətəndaşları İlon Maskın Kanada vətəndaşlığını ləğv etmək üçün petisiya imzalayıb
Tramp administrasiyası ilə Kanada arasındakı gərginlik fonunda minlərlə insan İlon Maskın Kanada vətəndaşlığını ləğv etmək üçün petisiya imzalayıb.
Bir neçə gün əvvəl imzalara açıq elan edilən petisiyada Mask Kanadanın milli maraqlarına zidd hərəkət etməkdə və onun suverenliyinə xələl gətirməkdə ittiham olunur.
Kanadada vətəndaşlıq yalnız o halda ləğv edilə bilər ki, kimsə fırıldaqçılıq edib, özünü təhrif edib və ya immiqrasiya və ya vətəndaşlıq ərizəsində məlumatı bilərəkdən gizlədib.
Cənubi Afrikada anadan olan Maskın həm Kanada, həm də ABŞ vətəndaşlığı var.
Milyarder petisiyaya cavab olaraq “X” profilində “Kanada real ölkə deyil” yazıb və sonra silib.
Müraciətdə iddia olunur ki, milyarder “sərvətindən və gücündən seçkilərimizə təsir etmək üçün istifadə edib” və “indi Kanadanın suverenliyini yox etməyə çalışan xarici hökumətin üzvü olub”.
ABŞ-Kanada gərginliyi Trampın yenidən prezident seçilməsindən sonra artıb.
