USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Professor Adil Qeybulla Faiq Ağayevin həkimlərlə bağlı fikrinə münasibət bildirib
Xalq artisti Faiq Ağayevin sosial şəbəkədə yayımladığı paylaşım cəmiyyətdə geniş müzakirələrə səbəb olub. Sənətçi bildirib: “Tibb Universiteti məzunları 3 il müəllimlərini müalicə etsinlər, daha sonra həkim işləsinlər.”
Bu fikirlərə tanınmış həkim, tibb elmləri doktoru, professor Adil Qeybulla münasibət bildirib. O qeyd edib ki, cəmiyyətdə Azərbaycan səhiyyəsinə və həkimlərə qarşı uzun illərdir formalaşmış mənfi münasibət mövcuddur və Faiq Ağayevin fikirlərində müəyyən əsaslar olsa da, məsələ daha dərindən dəyərləndirilməlidir.
“Bu deyilənlərdə müəyyən haqq var. Lakin bir şeyi nəzərə almaq lazımdır ki, necə olur, Azərbaycan Tibb Universitetini bitirən həkimlərimiz gedib xarici ölkələrdə uğurla çalışa, aparıcı həkimlər ola bilirlər, amma Azərbaycanda küncə sıxılırlar. Bu gün Almaniyada çalışan xeyli sayda azərbaycanlı həkim var”, – deyə professor vurğulayıb.
Adil Qeybulla hesab edir ki, həkimlərə qarşı bu cür yanaşma düzgün deyil və problemin yalnız tibb sahəsinə aid olmadığını bildirib: “Əgər bizim həkimlərimiz millətin gözündə yetərincə deyilsə, deməli, hüquqşünaslar da, iqtisadçılar da deyil. Təbii ki, tənqid olunacaq məqamlar var. Amma biz bunları mərhələli şəkildə düzəltməliyik.”
Professor əlavə edib ki, səhiyyənin inkişafı üçün mühüm addımlar atılır və bu sahədə İcbari Tibbi Sığorta sistemi də mühüm rol oynayır. O, gələcəkdə səhiyyənin daha şəffaf və vətəndaş yönümlü hala gələcəyinə ümid etdiyini bildirib.
