USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
İlhamə Elşadqızı məhkəmədə: “Narkoman deyiləm, gül kimi qızam”
Özünü şair və tiktoker kimi tanıdan İlhamə Elşadqızının barəsindəki cinayət işi üzrə məhkəmə prosesi davam edir. O, külli miqdarda narkotik vasitə saxlama ittihamı ilə Bakı Ağır Cinayətlər Məhkəməsində mühakimə olunur.
lhamə Elşadqızı hazırda Kürdəxanı təcridxanasında saxlanılır və proses zamanı məhkəmə zalına gətirilib. Xanım müttəhim həbsdə saxlanılmasına etiraz edərək, azadlıqda olmasının cəmiyyət üçün daha faydalı olduğunu bildirib:
“Bu gün müqəddəratım həll olunur. Əziyyət çəkib bu qədər əsərlər yazmışam. Mən sıradan bir adam deyiləm. Mən jurnalistəm, narkotik çəkən deyiləm. Tərtəmizəm, gül kimi də qızam”.
Məhkəmə prosesində onun evində əməliyyat aparan polis əməkdaşları şahid qismində ifadə veriblər. Onlar əməliyyatın daxil olmuş məlumat əsasında aparıldığını və evdə narkotik vasitələrin aşkarlandığını bildiriblər. Polis əməkdaşları, həmçinin, İlhamə Elşadqızının ona təzyiq göstərilməsi və ya evinə narkotik maddə atılması ilə bağlı irəli sürdüyü iddiaların əsassız olduğunu vurğulayıblar.
Qeyd edək ki, İlhamə Elşadqızına qarşı Cinayət Məcəlləsinin 234.1-1-ci maddəsi (satış məqsədi olmadan külli miqdarda narkotik və ya psixotrop maddələrin qanunsuz saxlanması və ya daşınması) ilə ittiham irəli sürülüb. Bu maddə ilə təqsiri sübuta yetirilərsə, o, 3 ildən 8 ilədək azadlıqdan məhrum edilə bilər.
Proses davam etdirilir.
